(1975)

Iníciase no mundo da gaita con Manuel Solla na A.V.C.D. de Lavadores, no grupo "Frores Novas".

En 1990 comeza a tocar no grupo de gaitas "Airiños Galegos". Grupo homexaneado en 1996 na Homenaze ó Gaiteiro, pola longa e representativa vida dentro da música tradicional galega.

No 1992 dirixe o grupo de gaitas da rondalla "As Zoquiñas" do Carballal, acadando un segundo premio no concurso de rondallas de Redondela e un terceiro no Certame de Rondallas de Vigo.

Colabora no 1996 coa Agrupación Folclórica "Xalgarete", para participar nos festivais OpRoakeldais Internationaal Flokloristich Dansfestival de Warfüm e no International Folklore de Holten (Holanda).

Forma o grupo de música tradicional "Cerne".

En 1997 toca co grupo folk bretón "Kern", destacando o festival D`juis du Port de Brest (Bretaña Francesa) e no Festival de Ortigueira.

Participa no documental sobre a gaita "The World Pipe" para a T.V. de New Zeland gravado no Piping Center de Glasgow.

No 1998 funda o grupo folk "Lugnasad", e en 1999 comeza con "Xans" grupo folk co que toca actualmente.

Traballa no Projecto Gz, música tradicional interpretada con gaita e acordeón.

Comeza a dar clases na A.V.V. de Fragoso en 1993, imaprtindo logo na A.C. de Chapela, e en Saiáns onde forma ao grupo "Sateira", en Lavadores ao grupo "Os Meigallos" e na Asociación de Castrelos ao grupo de gaitas "Semilieiro".

Actualmente imparte clases ao Grupo de Gaitas de San Pedro de Cea (Vilagarcía) e Os Gaiteiros Terra Meiga do Viso (Redondela).