A Asociación Cultural Santa María do Viso, que xestiona a Agrupación Folclórica, foi fundada no ano 1987 recollendo as inquedanzas dos mozos e da xente de O Viso, no Concello de Redondela, para recuperar e difundir a cultura, os bailes e a música da nosa terra. A nosa asociación está integrada por unhas 60 persoas e unha chea de pais e nais, así como diversos colaboradores que nos animan a seguir adiante. Anualmente celebramos festivais folclóricos, organizamos excursións para dar a coñecer diversos aspectos da xeografía e a cultura galega, levamos a cabo festivais, colaboramos nas festas tradicionais e eventos populares no pobo.

A Agrupación Folclórica Terra Meiga consta na actualidade das seguintes seccións artísticas:
  • Dous grupos de baile (infantil e xuvenil).
  • Un grupo de música tradicional, creado no ano 1990.
  • Tres grupos de pandereteiras (infantil, xuvenil e adultos), creados no ano 2002.
Todas estas formacións actúan conxunta ou individualmente en todo tipo de actos culturais, folclóricos e festas populares que requiran da súa presencia. As actuacións abarcan principalmente a toda a comarca de Redondela e ós concellos limítrofes, sendo nos últimos anos requirida a súa presencia en diversos puntos da xeografía galega (Caldas, Carballiño, Meaño, ...), así como en diversas vilas de Portugal e do resto de España (Salamanca, Fuenlabrada, ...).
< 1 2 >